Kuvendi i Shqipërisë voton sot presidentin e ri të Republikës. Pas propozimit të 23 deputetëve kryetari aktual i Kuvendit, Ilir Meta do votohet në seancë. Para votimit, Vasilika Hysi lexoi CV-në e tij zytare dhe tha se formalisht, Ilir Meta i përmbush kriteret ligjore për këtë post. Ai do të marrë detyrën në korrik.
Më herët u bë publike lista e deputetëve që kanë propozuar emrin e Ilir Metës si kandidat për President të Republikës. Ditën e djeshme në mbledhjen e kryesisë së partisë, janë mbledhur firmat e deputetëve të LSI-së.
Si duket edhe nga firmat, duket se edhe partia e Shpëtim Idrizit, ka firmosur për Ilir Metën si President, duke iu bashkuar firmave të LSI dhe PS. Ndërkaq ditën e sotme, në orën 17:00 mbahet dhe raundi i katërt për zgjedhjen e kreut të shtetit.
